سەرۆکی دەستەی گشتيى ناوچە کوردستانییەکان له‌گه‌ڵ نوێنەری حکومەتی هەرێم لە وڵاتی ئیسپانیا کۆبووه‌وه
ئەمڕۆ چوارشەممە ١٩ی تشرینی دووەمی ٢٠٢٥، فەهمی بورهان، سەرۆکی دەستەی گشتيی ناوچە کوردستانییەکانی دەرەوەی ئیدارەی هەرێم، بە ئامادەبوونی ڕاوێژکارانی دەستە، پێشوازی لە دارەوان حامد، نوێنەری حکومەتی هەرێم لە وڵاتی ئیسپانیا كرد.
سەرەتای کۆبوونەوەکە سەرۆکی دەستە ، باسی لە کار و چالاکییەکانی دەستە کرد، باسى لەو کەیسانە كرد لە ماوەکانی ڕابردوودا کاریان لەسەر کراوە، بۆ ئەوەی لەگەڵ حکومەتی فیدڕاڵ کێشەکان بەرەو ئاراستەی چارەسەرکردن ببرێن. هه‌روه‌ها تیشکی خستەسەر دەستووریبوونی کەیسەکان کە دەبێت دەستوور ببێتە بنەمای چارەسەری کێشەکان.
دارەوان حامید داوای لە سەرۆکی دەستە کرد بە هەماهەنگی لەگەڵ نوێنه‌رايه‌تيى حكومه‌تى هه‌رێمى كوردستان له ئيسپانيا چەندان کار و چالاکی له‌م وڵاته ئەنجام بدەن لەسەر ئاستی باڵا بەمەبەستی کارکردن لەسەر ناساندنی کێشەی ناوچە کوردستانییەکان لە ئاستی نێودەوڵەتی.