سەرۆکی نوێنەرایەتیی حکومەتی هەرێمی کوردستان لە بەغدا سەردانی باڵیۆزخانەی ئوسترالیای لە بەغدا کرد

فارس عیسا، سەرۆکی نوێنەرایەتیی حکومەتی هەرێمی کوردستان لە بەغدا، سەردانی باڵیۆزخانەی ئوسترالیای لە بەغدا کرد و چاوى بە باڵیۆز، گلین مایلز، کەوت.
لە دیدارەکەدا، ڕەوشى ئێستاى هەرێم و ئەو ئاستەنگییانەى ڕووبەڕووى عێراق و هەرێمى کوردستان دەبنەوە و کێشە ناوخۆییەکانى عێراق، تاووتوێ کران.
لە بەشێکى دیکەى کۆبوونەوەکەدا، کێشە هەڵپەسێردراوەکانى نێوان هەولێر و بەغدا، بە تایبەتى پرسى هەناردەکردنەوەى نەوت تاوتووێ کران؛ هەردوولا جەختیان لەسەر پێویستیى چارەسەرکردنى کێشەکان بە پێى یاسا و دەستوور کردەوە.
لە کۆتایی دیدارەکەدا، پڕۆسەی ئاشتیی نێوان پارتی کرێکارانی کوردستان و تورکیا و ڕۆڵی گرنگی سەرۆک مەسعود بارزانی، لە بەرەوپێشبردنی پڕۆسەی ئاشتی و نزیککردنەوەی تێڕوانینەکانى هەردوولا، لەپێناو چەسپاندنی ئاسایش و سەقامگیری لە ناوچەکەدا، تاووتوێ کرا.