سه‌رۆكى نوێنه‌رايه‌تيى حكومه‌تى هه‌رێم له به‌غدا پێشوازى له به‌ڕێوه‌به‌رى په‌يمانگه‌ى دادوه‌ريى هه‌رێمى كوردستان كرد
ڕۆژى پێنجشه‌ممه ٢٩ی ئايارى ٢٠٢٥، فارس عيسا، سه‌رۆكى نوێنه‌رايه‌تيى حكومه‌تى هه‌رێمى كوردستان له به‌غدا، پێشوازى له عوسمان ياسين عه‌لى، به‌ڕێوه‌به‌رى په‌يمانگه‌ى دادوه‌ريى هه‌رێمى كوردستان كرد.
له‌ميانه‌ى ديداره‌كه‌دا، پێداچوونه‌وه به دۆخى گشتيى هه‌رێمى كوردستان و عێراق، به تايبه‌ت كاروبارى دادوه‌رى كرا و باسيان له چۆنييه‌تيى پته‌وكردنى هاوكارى و هه‌ماهه‌نگى له‌نێوان ده‌زگه دادوه‌رييه‌كانى هه‌ولێر و به‌غدا كرد، به تايبه‌تى له‌نێوان هه‌ردوو په‌يمانگه‌ى دادوه‌ريى فيدراڵ و هه‌رێمى كوردستان.
له كۆتاييى ديداره‌كه‌دا به‌ڕێوه‌به‌رى په‌يمانگه‌ى دادوه‌ريى هه‌رێمى كوردستان ستايشى هه‌وڵه‌كانى نوێنه‌رايه‌تيى حكومه‌تى هه‌رێمى كوردستانى كرد، له پته‌وكردنى په‌يوه‌ندييه‌كانى نێوان وه‌زاره‌ته‌كان و دامه‌زراوه فه‌رمييه‌كانى هه‌ردوو حكومه‌تى فيدراڵى و هه‌رێمى كوردستان.