زیاتر لە 500 هەزار لیتری بەنزین گەیشتە هەرێمی کوردستان

لە چوارچێوەی هەوڵەکانی وەزارەتی سامانە سرووشتییەکان بۆ چارەسەرکردنی کێشەی کەمبوونەوەی بەنزین و دابەزاندنی نرخەکەی، بڕی 540,000 لیتر بەنزین گەیشتە هەرێمی کوردستان و لە بەنزینخانەکان بە نرخی 750 دینار دابەش دەکرێت.

بڕیارە ئەمڕۆ بڕی 1,512,000 لیتر بەنزینی دیکەش بگاتە هەرێمی کوردستان و لە بەنزینخانەکان دابەش بکرێت.

وەزارەتی سامانە سرووشتییەكان بۆ هاوردەکردنی بەنزینی زیاتر، مۆڵەتی هاوردەکردنی داوەتە کۆمپانیاکانی کەرتی تایبەت.

راگەیاندنی وەزارەتی سامانە سرووشتییەکان