رۆژی پێنجشەممە ١٥ی ئایاری ٢٠٢٥، وەزیری ئاوەدانکردنەوە و نیشتەجێکردن لە گەرمیان، بەردی بناغەی دروستکردنی ڕێگای گوندەکانی (گۆڕی مسقاڵ-هەوارەقوڵە-کاکەبرا-کونەکۆتر-دوڕیانی ژاڵەی رۆغزایی) لە ناحیەی ڕزگاری دانا.

وه‌زيرى ئاوه‌دانكردنه‌وه‌ و نيشته‌جێكردن: هەر لە سەرەتای كابينه‌ى نۆيه‌مى حكومه‌تى هه‌رێمى كوردستان و دەستبەکاربوونمان لە وەزارەت، یەکێک لە ئامانجەکانمان ئاوەدانکردنەوەی گوندەکان و خزمەتکردنی دانیشتووانەکەی بووە.

پرۆژەکە پێکهاتووە لە قیرتاوکردنی ڕێگه‌کە بە درێژيی چوار كيلۆمه‌تر و گوژمەی نزیکەی ٤٧٥ ملیۆن دینار، کە سوودێکی گەورە بە گوندەکانی دۆڵی سێوەیس دەگەیەنێت، جگە لە کاراسانی بۆ هاتوچۆی هاووڵاتیيان، کاریگەريی بەرچاوی دەبێت لە بووژاندنەوەی کەرتی کشتوکاڵی و گەشتیاری.