یەكەم ئۆڵۆمپیادی وەرزشی زانكۆكانی هەرێمی كوردستان لە هەڵەبجە بەڕێوە چوو
![](/media/28128/666666666.jpg?anchor=center&mode=crop&width=1200&height=630&rnd=133661457260000000)
بە ئامادەبوونی حەمەی حەمەسەعید، وەزیری ڕۆشنبیری و لاوانی حكومەتی هەرێمی كوردستان، یەكەم ئۆڵۆمپیادی وەرزشی زانكۆكانی هەرێمی كوردستان لە پارێزگهی هەڵەبجە بەڕێوە چوو.
لە ڕێوڕەسمی كردنەوەی ئۆڵۆمپیادی وەرزشی زانكۆكانی هەرێمی كوردستان، بە ئامادەبوونی مامۆستایانی زانكۆ و بەرپرسانی یەكە ئیدارییەكانی پارێزگهی هەڵەبجە، وەزیری ڕۆشنبیری و لاوان مەشخەڵی یەكەم ئۆڵۆمپیادی وەرزشی هەڵەبجەی هەڵكرد.
لە مەراسیمەكەدا، كە ئێوارەی ٢٠ی تەممووزی ٢٠٢٤، بەڕێوە چوو، حەمەی حەمەسەعید، وەزیری ڕۆشنبیری و لاوان لە گوتەیەكدا، وێڕای پیرۆزبایی لە زانكۆی هەڵەبجە و دەستخۆشی بۆ ئەو دەستپێشخەرییەی زانكۆكە، ڕایگەیاند: وەرزش پەیامی ئاشتی و پێكەوەژیان و برایەتییە و هەڵەبجە كە پایتەختی ئاشتیی كوردستانە، بووەتە سیمبولێكی گرنگی برایەتی و پێكەوەژیان و ئاشتەوایی لە ناوچەكەدا.
لە بەشێكی دیكەی گوتەكەیدا، وەزیری ڕۆشنبیری و لاوان ستایشی هەوڵەكانی زانكۆی هەڵەبجەی كرد، بۆ پێشخستنی بوارە جیاجیاكانی كولتوور و وەرزش لە سنووری پارێزگاكەدا.