پەخشی ستۆدیۆی ڕادیۆ و تەلەفزیۆنی پەروەردەیی لە هەولێر کرایەوە
![](/media/7411/adbeb0b5-9572-44c6-9b18-d7c17c17ec2c.jpeg?anchor=center&mode=crop&width=1200&height=630&rnd=132741197450000000)
هەولێر، هەرێمی کوردستان، عێراق (GOV.KRD)- ڕۆژی سێشەممە ڕێکەوتی ١٧ی٨ی٢٠٢١، "ئالان حەمەسەعید ساڵح"وەزیری پەروەردەی حکومەتی هەرێمی کوردستان، بەئامادەبوونی پارێزگاری هەولێر و ژمارەیەک لە نوێنەرانی هەردوو ڕێکخراوی یونسێف و یونیسکۆ بەشداری لە کردنەوەی ستۆدیۆی ڕادیۆ و تەلەفزیۆنی پەروەردەیی لە شاری هەولێر کرد.
هەر لەمیانەی سەردانەکەی دا وەزیری پەروەردە بەشی گەلەری چالاکی قوتابخانەکانی هەولێری بەسەرکردەوە.
دواتر لە کۆنگرەیەکی رۆژنامەوانیدا، وەزیری پەروەردە پیرۆزبایی لە ستاف و بەڕێوەبەرانی تەلەفزیۆنی پەروەردەیی کرد و هیوای خواست تەلەفزیۆنەکە ببێتە سەرچاوەی یەکەمی پەروەردەیی بۆ قوتابی و خوێندکاران و خەڵکی هەرێمی کوردستان و بەتایبەت قوتابیان سوود لە وانە تۆمارکراوەکان و ڕێنمایی و گفتوگۆ و بەرنامە پەروەردەییەکانی تەلەفزیۆن وەربگرن.