وه‌زیرى په‌روه‌رده، خوولی رێنماییکارانی پەروەردەیی بەسەر کردەوە
هەولێر،هەرێمی كوردستان،عێراق(GOV.KRD)- رێکخراوی "ئێمە" له بواری یه‌كسانیی جێنده‌ری خوولێكی یه‌ك هه‌فته‌یی بۆ 20 رێنماییكاری په‌روه‌رده‌یی كرده‌وه، كه له سنووری بەڕێوەبەرایەتی گشتی پەروەردەی پارێزگاکان بەشداریان تیادا كردبوو.
رۆژی پێنج شه‌ممه‌ش ڕێکه‌وتى 2021/6/24، "ئالان حەمە سەعید ساڵح" وه‌زیرى په‌روه‌رده‌ى حکومه‌تى هه‌رێمى کوردستان ، سه‌ردانی به‌شداربووانی كردو باسی لە گرنگی رۆڵی رێنماییکارانی پەروەردەیی لە پرۆسەی پەروەردەدا کرد، هه‌روه‌ها گوێی لە داواکاری و پێشنیارەکانیان گرت و سوپاسی خۆی ئاڕاستەکردن کە لە ماوەی هەفتەیەکی خولەکەدا بە پەرۆشەوە بەشداری خولەکەیان کردبوو.
