وەزیری پەروەردە بەشداری لە دیداری دەستەی دەستپاكی توێژینەوەی ئەكادیمی لە هەولێر كرد
![](/media/8391/whatsapp-image-2021-11-02-at-93405-pm-1.jpeg?anchor=center&mode=crop&width=1200&height=630&rnd=132804233430000000)
هەولێر، هەرێمی کوردستان، عێراق (GOV.KRD)- ئەمڕۆ سێشەممە رێکەوتی، ٢ی١١ی٢٠٢١، "ئالان حەمەسەعید ساڵح" وەزیری پەروەردەی حكومەتی هەرێمی كوردستان، بە ئامادەبوونی د. ئەحمەد ئەنوەر سەرۆكی دەستەی دەستپاكی هەرێمی كوردستان و پارێزگاری هەولێر و وتەبێژی حكومەتی هەرێمی كوردستان و بریكاری وەزارەتی خوێندنی باڵا و بەڕێوەبەرە گشتییەكانی وەزارەتی خوێندنی باڵا و توێژینەوەی زانستی و سەرۆكی زانكۆیەكان و مامۆستایانی زانكۆ، بەشداری لە دیداری دەستەی دەستپاكی توێژینەوەی ئەكادیمی لە هەولێر كرد.
هەر لە دیدارەكەدا لەلایەن سەرۆكی دەستەی دەستپاكی و بریكاری وەزارەتی خوێندنی باڵا وتەیان پێشكەش بە ئامادەبووان كرد سەبارەت بە كوالیتی خوێندن و بابەتی دەستپاكی زانستییەكانی خوێندن و بەرەوپێشبردنی ڕەوشی خوێندن لە زانكۆیەكانی هەرێمی كوردستان.
شایانی باسە بۆ یەكەم جارە ئەم جۆرە دیدارە لە هەرێمی كوردستان ئەنجام بدرێت و تێیدا باس لە دەسپاکی ئەکادیمی بکرێ. بڕیارە ئەو جۆرە دیدارانە لەگەڵ دامەزراوەی تریش بەڕێوە بچێت.