هەولێر، هەرێمی کوردستان، عێراق (GOV.KRD)-ڕۆژی چوارشەممە ڕێکەوتی ١ی٩ی٢٠٢١، "ئالان حەمەسەعید ساڵح" وەزیری پەروەردەی حکومەتی هەرێمی کوردستان،  به‌یاوەری وەزیری تەندروستی و  به‌ڕێوه‌به‌ری گشتی ته‌ندروستی هه‌ولێر و به‌ڕێوەبەری پەروەردەی ناوەندی هەولێر و ژماره‌یه‌ك له‌ مامۆستایان، سه‌نته‌ری پێدانی ڤاكسینی بۆ مامۆستایان  له‌ شاری هه‌ولێر بەسەرکردەوە.

 ئه‌م سه‌نته‌ره‌ لەسەر ڕاسپاردەی  وەزیری پەروەردە و به‌هاوكاری وه‌زاره‌تی ته‌ندروستی و به‌ڕێوه‌به‌رایه‌تی گشتی ته‌ندروستی هەولێر به‌سه‌رجه‌م ئاماده‌كارییه‌كان دابینكراوه‌.

جێی ئاماژه‌یه‌ ئەم بنکەیە هەفتانە ڤاکسین بۆ مامۆستایان دابین دەکات و ڕۆژانه‌ نزیكه‌ی ٥٠٠ مامۆستا ناونووس ده‌كرێن و ڤاكسین وه‌رده‌گرن، ئه‌مه‌ش وەک  ئاسانكارییه‌ك بۆ بەڕێوەبەر و مامۆستایان و فەرمانبەرانی سەر بە وەزارەتی پەروەردە  تا له‌كات و ساتی دیاریكراو بتوانن ڕۆژانه‌  سه‌ردانیان بكه‌ن بۆ وەرگرتنی ژەمی ڤاكسین.