وەزیری پەروەردە بەشداری لە مەڕاسیمی هەفتەیی جیهانی رووبەروو بوونەوەی گەندەڵی دەکات
![](/media/17099/c1c033d5-e973-4bdd-9696-230277ed6cbf.jpeg?anchor=center&mode=crop&width=1200&height=630&rnd=133145346100000000)
هەولێر، هەرێمى کوردستان (GOV.KRD) -رۆژی پێنجشەممە رێکەوتی ۱ی کانوونی یەکەمی ۲۰۲۲، ئالان حەمەسەعید، وەزیری پەروەردەی حکومەتی هەرێمی کوردستان، بە ئامادەبوونی سەرۆکی دەستەی دەستپاکی و پارێزگاری هەولێر و سەرۆکی داواکاری گشتی و نوێنەری رێکخراوی "UNDP" ، بەشداری لە مەڕاسیمی یادی ڕۆژی جیهانی بەرەنگاربوونەوەی گەندەڵی دەستەی دەسپاکی لە هەرێمی کوردستان کرد. وەزیری پەروەردە لە پەراوێزی هەفتەیی جیهانی رووبەروو بوونەوەی گەندەڵی پیشەنگایەکی شێوەکاری بۆ قوتابیان بە ناونیشانی ( ئێمە نەوەیەکی دەستپاکین) کە چەندین تابلۆی بە نەخشی دەستی منداڵان لە خۆ گرتبوو، کە بە ڕەنگی ئاڵ و واڵای گوزارشتیان لە سروشتی ناو قوتابخانەکان و پاکو خاوێنی و ژینگەپارێزی و دەستپاکی و بێ گەردی دوور لە توندو تیژی دنیای منداڵان کردەوە.
لەکۆتاییدا وەزیری پەروەردە خەڵاتی رێزلێنانی بەخشیە مامۆستایان و قوتابییانی بەشداربووی مەڕاسیمەکە.