ب ئامادەبوونا وەزیرێ پەروەردێ چەند چالاکی ل قوتابخانا سەلاحەدین ھاتنە ئەنجامدان
هەولێر، هەرێمی کوردستان، عێراق (GOV.KRD)- ب ئامادەبوونا دکتۆر ئالان حەمە سەعید وەزیرێ پەروەردا حکومەتا ھەرێما کوردستانێ و ب بەرھەڤبوونا بەرێزان عومەر عەلی تاھا رێڤەبەرێ گشتی یێ پەروەردا پارێزگەھا دھۆکێ و عثمان سلیمان رێڤەبەرێ پەروەردا دھۆک رۆژئاڤا و سەگڤان حەسەن رێڤەبەرێ سەرپەرشتیا پەروەردەیی ل پارێزگەھا دھۆکێ چەند چالاکی ب ھەلکەفتا پتر ژ ١٠٠ سالیا دامەزراندنا قوتابخانا سەلاحەدین ل قوتابخانا ناڤبری ھاتنە ئەنجامدان.
ھەر بڤێ ھەلکەفتێ ھژمارەکا مامۆستایێن دێرینێن ڤێ قوتابخانێ و ھژمارەکا قوتابیێن ڤێ قوتابخانێ کو نوکە د پۆست و پلەیێن بلند دانە وەک رێزگرتن ژ لایێ بەرێز وەزیرێ پەروەدێ ڤە ھاتنە خەلاتکرن.
ھەژی گۆتنێ یە کو قوتابخانا سەلاحەدین کەڤنترین قوتابخانا دھۆکێ یە و چەندین جاران ھاتیە ڤەگوھاستن و ناڤێ وێ ژی سێ جاران ھاتیە گوھۆڕین و چەندین کەسایەتی و ناڤدارێن دھۆکێ ل ڤێ قوتابخانێ خواندییە.
