وەزیری پەروەردە بەشداریی لە وۆرکشۆپی ناساندنی پرۆسەی جینۆساید دژ بە گەلی کورد كرد
![](/media/9576/0b63a36e-a70f-44ac-b27c-3eed25412604.jpeg?anchor=center&mode=crop&width=1200&height=630&rnd=132877425430000000)
هەولێر، هەرێمی کوردستان، عێراق (GOV.KRD)- ڕۆژی چوار شەممە ٢٦ی ١ی٢٠٢٢، "ئالان حەمەسەعید ساڵح" وەزیری پەروەردەی حکومەتی هەرێمی کوردستان، بە ئامادەبوونی ڕاوێژکاری وەزارەت و بەرێوەبەری گشتیی پڕۆگرام و چاپەمەنییەکان، بەشداریی لە وۆرکشۆپی "ناساندنی پڕۆسەی جینۆساید دژ بەگەلی کورد"، كرد کە لەلایەن لیژنەی کاروباری شەهیدان و جینۆساید و زیندانیانی سیاسی و بە هاوکاری سەنتەری توێژینەوەی پەرلەمان و سەنتەری بێشکچی بۆ لێکۆڵینەوەی مرۆڤایەتی، و سەنتەری لێکۆڵینەوەی جینۆسایدی زانکۆی دهۆک و سەنتەری لێکۆڵینەوەی جینۆسایدی زانکۆی چەرمۆ، ڕێکخرابوو.
لە کۆی وۆرکشۆپەکەدا جەخت کرایەوە لەوەی کە پێویسته به شێوازی جۆراوجۆر ئهم تاوانه نامرۆڤایهتیانهی دژی گهلی كورد ئهنجام دراون له هزر و بیری نهوهی ئێستاو نهوهكانی داهاتوو بهێڵدرێنەوە، كه ئهوهش بهوه دهكرێت له پڕۆگرامهكانی خوێندن گرنگی زیاتر به بابهتی تاوانهكانی جینۆساید بدرێت .