وەزیری پەروەردە لەگەڵ سەرۆکی یەکێتی زانایانی ئاینی ئیسلامی کوردستان کۆبووەوە
![](/media/13211/aeb6da40-e9d3-43ff-8371-5fb04388ea8f.jpeg?center=0.32535211267605635,0.46088794926004228&mode=crop&width=1200&height=630&rnd=133014791060000000)
هەولێر، هەرێمی کوردستان، عێراق - (GOV.KRD)- رۆژی دووشەممە رێکەوتی ٤ی حوزەیرانی ۲۰۲۲، ئالان حەمەسەعید ساڵح، وەزیری پەروەردەی حکومەتی هەرێمی کوردستان،پێشوازی لە مەلا عەبدوڵا مەلا سعید، سەرۆكی یەكێتی زانایانی ئاینی ئیسلامی كوردستان و شاندێکی یاوەری کرد.
لەکۆبوونەوەیەکدا باس لە نەگۆڕینی بابەتی پەروەردەی ئیسلامی و پڕۆگرامەکانی خوێندن و گرنگی بابەتی پەروەردەی ئیسلامی کرا، هەروەها ئەو دەنگۆیانە لەلایەن وەزیری پەروەردە و سەرۆکی یەكێتی زانایانی ئاینی ئیسلامی كوردستان ڕەتکرایەوە کە باس لەلادانی بابەتی پەروەردەی ئیسلامی لە پڕۆگرامەکانی خوێندندەکەن.
وەزیری پەروەردە دووپاتی کردەوە کە بابەتی پەروەردەی ئیسلامی و خوێندنی ئایینەکانی تر بۆ رۆڵەی پێکهاتەکان بایەخی بەرچاوی پێ دەدەرێت لەلایەن وەزارەتی پەروەردەوە.