وەزیرێ پەروەردە هەڤکارییا سەرۆکێ حکومەتێ گەهاندە قوتابیێن قوربانیێن بوویەرا پەقینا غازێ
هەولێر، هەرێمى کوردستان (GOV.KRD)- ئالان حەمەسەعید ساڵح وەزیرێ پەروەردە رۆژا ٢٩ی چریا دویەما ٢٠٢٢، سەرەدانا قوتابیێن پشکا ناڤخوییا دهوکێ کر، یێن بەری دەمەکێ تووشی رویدانا دلتەزینا پەقینا غازێ ببوون کو بویە ئەگەرێ شەهید بوونا حەفت کەسان و برینداربوونا هژمارەکا زێدەترێ قوتابیان.
وەزیرێ پەروەردێ هەڤکاری یا دارایی یا سەروکێ حکومەتێ گەهاندنە قوتابیان و ئاشکرا کر کو هەر چێ پێدڤی بیت بۆ قوتابیان دێ هێتە کرن. هەروەسا رولێ قارەمانیا وان ئەفسەر و پۆلیسان بلند نرخاند کە ژ بۆ سەلامەتییا قوتابیان جانێ خۆ قوربانی کرن.
وەزیرێ پەروەردێ رولێ پارێزگارێ دهوکێ و دەزگەها خێرخوازییا بارزانی و هەمو ئالیێن هاریکاری کرن، بلند نرخاند.
