وەزیری پەروەردە پڕۆژەى دروستکردنى قوتابخانەی گوندی کۆری بەسەرکردەوە
![](/media/19400/aff9d59e-50ad-4da8-b733-10d43b800d3d.jpeg?anchor=center&mode=crop&width=1200&height=630&rnd=133268207920000000)
رۆژی چوارشەممە ڕێکەوتی ۱۹ی نیسانی۲۰۲۳، بە مەبەستى لە نزیکەوە ئاگاداربوون لە چۆنیەتى بەڕێوەچوونى کارەکان، ئالان حەمەسەعید، وەزیری پەروەردەی حکومەتی هەرێمی کوردستان، بەئامادەبوونی پارێزگارى هەولێر و بەرێوەبەری جێبەجێکاری گروپی کۆمپانیاکانی قەیوان و جێگرى پارێزگار و قائیمقامى هەولێر و بەرێوەبەری گشتیی پەروەردەی هەولێر و سەرۆکى شارەوانى و بەڕێوەبەرى ناحیەى بەحرکە پڕۆژەى دروستکردنى قوتابخانەی ۱۸ پۆلی گوندی کۆری لە هەولێر بەسەرکردەوە.
وەزیری پەروەردە لە نزیکەوە لە چۆنیەتى بەڕێوەچوونى کارەکان و پێداویستیەکانیان کۆڵییەوە و دەستخۆشی لە ستافى سەرپەرشتیار و کرێکاران و ئەندازیارانی پڕۆژەکە کرد بۆ ئەنجامدانى کارەکانیان.
پڕۆژەى دروستکردنى قوتابخانەی ۱۸ پۆلی گوندی کۆری، کە له ئێستادا لە قۆناغى کۆتاییدایە وابڕیارە لە دەسپێکى ساڵی نوێی خوێندن ئامادەبێت.