وەزیرى پەروەردە پێشوازى لە رێکخراوە نێودەوڵەتییەکان دەکات

ڕۆژی پێنجشەممە ۱ی حوزەیرانی ۲۰۲۳، ئالان حەمەسەعید، وه‌زيرى په‌روه‌رده‌ی حكومه‌تى هه‌رێمى كوردستان، بە یاوەری بەرێوەبەری گشتیی پلاندانان لەوەزارەت، پێشوازی  لە نوێنەرانی  ڕێکخراوە نێودەوڵەتییەکانی "UNCHR و UNICEF و save the  children "  لە عێراق  و هەرێمی کوردستان کرد.

له ‌کۆبوونەوەکەدا باس لە پرۆسەی خوێندنی قوتابیانی ئاوارەکان و هەماهەنگی نێوان وەزارەت و رێکخراوە نێودەوڵەتییەکان کرا.هەروەها خزمه‌تكردنى زياترى كه‌رتى په‌روه‌رده‌ و فێرکردن له‌ هه‌رێمى كوردستان باسى لێوە کرا و شاندەکە پاڵپشتی خۆیان نیشاندا بۆ وەزارەتی پەروەردە.

لەکۆتاییدا وەزیری پەروەردە دەستخۆشى لە نوێنەرانی رێكخراوە نێودەوڵەتییەکان  کرد و گرنگى هەماهەنگى نێوان وەزارەت و رێکخراوەکانی بەرز نرخاند.