لە سلێمانی کۆبوونەوەی ئەنجومەنی وەزارەتی پەروەردە کرا

ڕۆژى دووشەممە، ڕێکەوتی ۱٥ی ٥ی ۲۰۲۳ کۆبوونەوەی ئەنجومەنی وەزارەتی پەروەردە لە پارێزگای سلێمانی، لە دیوانی بەڕێوەبەرایەتیی گشتیی پەروەردەی سلێمانی کرا. پاش گفتوگۆی ورد و گۆڕینەوەی ڕا و تێبینییەکان لەسەر ڕەشنووسی پەیڕەو و ڕێنمایی و ڕێکارەکانی تایبەت بە یاسای ژمارە (١٣) ی ساڵی ٢٠٢٢ی یاسای پەروەردە و فێرکردن لە هەرێمی کوردستان، ئەم ڕێنمایی و ڕێکارانەی خوارەوە بە کۆی دەنگ پەسەند کران:

١- ڕێنمایی پڕۆسەی خوێندن لە پەیمانگەکانی سەر بە وەزارەتی پەروەردە.
٢- ڕێکارەکانی دانانی بەڕێوەبەر و یاریدەدەری بەڕێوەبەر لە دامەزراوە پەروەردەییە حکوومی و ناحکوومییەکان.
٣- ڕێنماییی دیداری گەشە.
٤- ستراتیژی ڕاهێنانی مامۆستایان و ڕێبەری مامۆستای ڕاهێنەر.
٥- ڕێنماییی بەکرێدانی فرۆشگە لە وەزارەتی پەروەردە.
٦-ڕێنماییی دامەزراوە پەروەردەییە ناحکومییەکان.
٧- ڕێنمایی ئامادەیی و پیشەییەکان.
٨-ڕێکارەکانی تۆمارکردن و وەرگرتنی منداڵان و قوتابیان/خوێندکاران لە دامەزراوە پەروەردەییە حکوومییەکان.
٩- سیستمی یەکپۆشی بۆ قوتابیان و خوێندکاران.
١٠- ڕێنماییی تایبەت بە خوێندنی زمانی کوردی و عەرەبی بۆ ئەو قوتابیانەی بەخێوکارەکانیان لە نێردە دبلۆماسی و ئاژانسە نێودەوڵەتییەکانن و لە هەرێمی کوردستان کار دەکەن.