وەزیری پەروەردە ئیدارەی سەربەخۆی گەرمیانی بەسەرکردەوە
رۆژی یەکشەممە رێکەوتی ۱۰ی ئەیلولی۲۰۲۳، ئالان حەمەسەعید ساڵح، وەزیری پەروەردەی حکومەتی هەرێمی کوردستان، سێ قوتابخانەی حکومی نوێی ۱۸ پۆلی لەسنووری پەروەردەی کەلار کردەوە و دواتر چەند پرۆژەیەکی پەروەردەیی کە لە ئێستادا کاریان تێدا دەکرێت بەسەر کردەوە.
دواتر وەزیری پەروەردە قەزای کفری بەسەرکردوە و لە دیوانی قائیمقامییەتی کفری بەئامادەبوونی قائیمقامی کفری کۆبوونەوەیەکی لەگەڵ بەرێوەبەر و مامۆستایان و سەرپەرشتیاران ئەنجامدا، لەپێداویستیەکانی سنوورەکەی کۆڵییەوە بۆ ئەوەی زیاتر خزمەتیان بکات.
