ب ئامادەبوونا وەزیرێ پەروەردێ موزەخانا پەروەردەیی یا ئاکرێ هاتە ڤەکرن

رۆژا ئێکشەمبیێ، 05-05-2024، ل ژێر چاڤدێریی و ئامادەبوونا ئالان حەمە سەعید، وەزیرێ پەروەردەیا حکومەتا هەرێما کوردستانێ و ب ئامادەبوونا دەڤەردارێ ئاکرێ، رێـڤەبەرێ گشتیێ پەروەردەیا پارێزگەها دهۆک، رێڤەبەرێ گشتیێ پەروەردا قەزایا ئاکرێ و هژمارەکا زۆرا بەرپرسێن حکومی، حزبی و سەرپەرشتیارێن پەروەردەیی، موزەخانا پەروەردەیی ل ئاکرێ هاتە ڤەکرن.
ئەو موزەخانە دبیتە ئێکەم موزەخانا پەروەردەیی ل سەر ئاستێ پارێزگەها دهۆک. وەزیرێ پەروەردێ دەست خۆشی ل رێڤەبەریا گشتییا پەروەردەیا پارێزگەها دهۆک و قەزایا ئاکرێ کر و دووبارە پشتەڤانیا خۆ بۆ موزەخانێ دووپات کر.
ل دویڤدا، ڤیستەڤالا سالانەیا هونەری و شێوەکاری ل پەیمانگەها هونەرێن جوان ل ئاکرێ برێڤەچوو. پشتی لێگەریانەکێ دناڤ هولێن پەیمانگەهێ؛ وەزیرێ پەروەردەیێ دەست خۆشی ل هەمی مامۆستا و قوتابیان کر ژ بۆ وێ فێستیڤالا جوان یا هاتییە رێکخستن.