وەزیری پەروەردە سەردانی قوتابخانەی "دانیال میتران"ی لە هەولێر کرد
ڕۆژی سێشەممە ١٢ی تشرینی دووەمی ٢٠٢٤، ئالان حەمەسەعید ساڵح، وەزیری پەروەردەی حکومەتی هەرێمی کوردستان، بە ئامادەبوونی باڵیۆزی فەرەنسا لە عێراق و کونسولی گشتیی فەرەنسا لە هەرێمی کوردستان، سەردانی قوتابخانەی (دانیال میتران - فەرەنسی)ی لە هەولێر کرد.
سەردانەکە لە چوارچێوەی سەتەمین ساڵیادی لەدایکبوونی خاتوو دانیال میتران و بایەخدان بوو بە قوتابخانەکانی فەرەنسا لە کوردستان و بەردەوامبوونی پەیوەندییە کولتووری و پەروەردەییەکانی نێوان کوردستان و فەرەنسا. لە کۆتاییدا وەزیری پەروەردە پاڵپشتیی وەزارەت و حکومەتی هەرێمی کوردستانی بۆ ئەو دامەزراوانە دووپات کردەوە.
