وەزیری كارەبای حكومەتی هەرێمی كوردستان سەرپەرشتی كۆبوونەوەیەكی تایبەت بە پرۆژەی پێوەری زیرەك و فەرمانگەی تەكنەلۆژیا و زانیاری كرد
![](/media/5576/minister-of-electricity-chairs-meeting-on-electric-measure.jpg?anchor=center&mode=crop&width=1200&height=630&rnd=132627026410000000)
هەولێر، هەرێمی کوردستان، عێراق (GOV.KRD)- ڕۆژی دووشەممە ٢٠٢١/٤/١٢ بە مەبەستی پەرەپێدانی پرۆژەی پێوەری زیرەك و بەكارهێنانی لە چوارچێوەی كەمكردنەوەی خەرجییەكانی حكومەت و كۆكردنەوەی زانیاری و داتاكان، كەمال محەمەد ساڵح، وەزیری كارەبای حكومەتی هەرێمی كوردستان سەرپەرشتی كۆبوونەوەیەكی فراوانی لێژنەی باڵای پێوەری زیرەك و فەرمانگەی تەكنەلۆژیا و زانیاری ئەنجومەنی وەزیرانی كرد.
لەو كۆبوونەوەیەدا كە هیوا ئەفەندی، سەرۆكی فەرمانگەی تەكنەلۆژیا و زانیاری ئامادەی بوو، وەزیری كارەبا ئامادەیی وەزارەتی دەربڕی بۆ پێشكەشكردنی كارئاسانی و هاوكاری فەرمانگەی تەكنەلۆژیا و زانیاری بۆ بەشداریكردن و هەماهەنگی پرۆژەی پێوەری زیرەك.