لەمەودوا هاووڵاتییان دەتوانن لە ئینتەرنێتەوە تێچووی بەکارهێنانی کارەبا بزانن
![](/media/16449/315359818_441379121491924_8102365085534975400_n-1400-1.jpg?anchor=center&mode=crop&width=600&height=800&rnd=133128160170000000)
هەولێر، هەرێمی کوردستان (GOV.KRD)-وەزارەتی کارەبا لهپێناو خزمەتی هاوبەشان و زوو ڕاییکردنی مامەڵەی هاووڵاتیان، خزمەتگوزارییی زانینی تێچووی کارەبا لەسەر ئینتەرنێت بۆ هاووڵاتیان بەردەست دەکات.
هاوبەشانی کارەبا دەتوانن
لە ڕێگەی ماڵپەری پسوولەوە، بڕ و تێچوونی کارەباکەیان بزانن.
ئەوەش تەنیا بە نووسینی ژمارەی هەژمارەکە لە شوێنی دیاریکراو، زانیارییەکان دەخاتە بەرچاوی بەشداربووان.
ئەم خزمەتگوزارییە لەلایەکەوە ڕۆتیناتە ئیدارییەکان کەمدەکاتەو و مامەڵەی هاووڵاتیان ئاسان دەکات، لەلایەکی دیکشەوە ڕوونی و شەفافییەتی زیاتر لە تێچوونی کارەبا بۆ هاووڵاتیان دەستەبەردەکات. کە تێیدا دەتوانن برى پارهى خولى كۆتايی و بڕى قهرز و كۆى گشتیی پارهى داواكراو بزانن.
بەشداربووانی کارەبا لەم لینکەوە دەتوانن تێچووی بەکارهێنانی وزەی کارەباکانیان بخوێننەوە:
https://elc.pay.krd