سێ بەڕێوەبەرایەتیی کارەبا لە زاخۆ و ڕاپەڕین و سۆران دادەمەزرێن
![](/media/4225/moel-logo.jpg?center=0.48104956268221577,0.49487179487179489&mode=crop&width=1200&height=630&rnd=133083046230000000)
هەولێر، هەرێمی کوردستان (GOV.KRD)-لەسەر داوای وەزارەتی کارەبا، مەسروور بارزانی سەرۆکی ئەنجوومەنی وەزیران، بە دەرکردنی فەرمانێک، رەزامەندی لەسەر دامەزراندنی سێ بەڕێوەبەرایەتیی کارەبا بۆ باشتر خزمەتکردنی هاووڵاتیان لە هەر سێ ئیدارە سەربەخۆکانی زاخۆ و سۆران و ڕاپەڕین دەربڕی، ئەوانیش بریتین لە:
- بەڕێوەبەرایەتیی گشتیی کارەبای زاخۆ.
- بەڕێوەبەرایەتیی گشتیی کارەبای سۆران.
- بەڕێوەبەرایەتیی گشتیی کارەبای ڕاپەڕین.
یەکێک لە ئامانجە سەرەکییەکانی ئەم کابینەیەی حکوومەتی هەرێم، پێدانی سەربەخۆیی ئیداری بووە بە ئیدارە و پارێزگا سەربەخۆکان. بۆ ئەو مەبەستەش چەندین بەڕێوەبەرایەتی و فەرمانگەی تایبەتییان بۆ ئاسانکاریی هاووڵاتییان تێدا کراوەتەوە.