وەزارەتی کارەبا چەند بڕیارێک لە بەرژەوەندی هاووڵاتییان دەدات
![](/media/24392/photo_2023-12-21_10-10-18-1400.jpg?anchor=center&mode=crop&width=1200&height=630&rnd=133476411950000000)
رۆژی چوارشەممە ٢٠ی كانونی یهكهمی ٢٠٢٣، بهئامادهبونی کەمال محەمەد ساڵح، وەزیری کارەبا ئەنجومەنی وەزارەت کۆبوونەوەی ئاسایی خۆی ئەنجام دا.
لە کۆبوونەوەکەدا کە بریکار و ڕاوێژکاران و بەڕێوەبەرانی گشتیی کارەبای پارێزگاکان ئامادەبوون، بڕیار لەسەر جێبەجێکردنی یەکسانی لە دابەشکردنی کارەبا لە نێوان پارێزگاکان درا.
تەوەرێکی تری کۆبوونەوەکە تایبەت بوو بە لێژنەی پێوەری زیرەک و چاودێری و بەدواداچوونی سەرپێچییەکان و بڕیار درا هەڵمەتێکی فراوان بۆ نەهێشتنی سەرپێچییەکان و سزادانی ئەو کەسانە بکرێت کە لە دەرەوەی پێوەری زیرەک کارەبای ڕاکێشاوە و شوێنەکانیان ئاشکرایە و لە هەمان کاتدا بڕیاردرا کە کارەبا بەردەوامەکان کەم بکرێنەوە.
لە ئێستادا وەزارەتی کارەبا توانای بەرهەمهێنانی کارەبای بۆ ٣هەزار و ٤٠٠ مێگاوات کارەبای هەیە و خواستیش لەسەر کارەبا بۆ سەرووی ٦ هەزار مێگاوات کارەبا بەرز بووەتەوە.