بەدواداچوون بۆ ژمارە تەلەفونە خزمەتگوزارییەکانی چاكردنەوەی كارەبا دەكرێت
![](/media/16951/وەزارەتی-کارەبا-1400.jpg?anchor=center&mode=crop&width=1200&height=630&rnd=133141837960000000)
دوای ئەوەی ژمارەیەک هاووڵاتی هەرێمی کوردستان گلەیی ئەوەیان هەبوو کە لە بەش و بنکە و فەرمانگەکانی سەر بە وەزارەتی کارەبا بەپێی پێویست وەڵامیان نادرێتەوە، بەڕێوەبەرایەتی گشتی دیوانی وەزارەتی کارەبای حکومەتی هەرێمی کوردستان بە نووسراوی فەرمی داوای لەسەرجەم بەڕێوەبەرایەتییە گشتییەكانی لە پارێزگاو ئیدارە سەربەخۆكان كردووە، چاودێری و بەدواداچوون بۆ ژمارە تەلەفونەكانی خزمەتگوزاریی هاووڵاتیان لە بەش و بنكەو فەرمانگەكانیان بكەن و تاوەکو وەڵامی هاووڵاتییان بدەنەوە.
وەزارەتی كارەبا ئاماژە بەوە دەکات هەر كەمتەرخەمییەك لە وەڵام دانەوەی پەیوەندییە تەلەفونییەكان هەبێت و لەلایەن هەر فەرمانبەرێكەوە بێت رووبەڕووی سزای یاسایی دەبێتەوە.