وێستگەی پردی حافز لە ئیدارەی سەربەخۆی سۆران کرایەوە

لە بەردەوامی کارو پڕۆژەکانی وەزارەتی کارەبای حکومەتی هەرێمی کوردستان و گەیاندنی کارەبای نیشتیمانی بۆ زۆرترین هاوبەش لە هەرێمی کوردستان، رۆژی پێنچشەممە ۲۷ی تەممووزی ۲۰۲۳، لەژێر چاودێریی مەسرور بارزانی، 
سەرۆكی حكومەتی هەرێمی كوردستان و بە ئامادەبوونی کەمال محمد ساڵح، وەزیری کارەبا و هەڵگورد شێخ نەجیب سەرپەرشتیاری ئیدارەی سەربەخۆی سۆران وێستگەی كارەبای (پردی حافز) لە ئیدارەی سەربەخۆی سۆران کرایەوە. 
گوژمەی پڕۆژەکە یەک ملیار و ٣٧٥ ملیۆن دینارە و لەلایەن كۆمپانیای ئیدیۆمەوە  جێبەجێ كراوە .
پرۆژەکە سوودێکی زۆری بۆ ناوچەکانی قەزای رەواندز و چۆمان دەبێت و گرفتی ڤۆڵتییە و بارزۆری  چارەسەر دەکات و کارەبای ناوچەکە و گوند و پڕۆژە گەشتیارییەکان باشتر  دەبێت.