وێستگەی کارەبای قادر کەرەم کرایەوە
![](/media/23602/photo_2023-11-14_13-41-44-1400.jpg?anchor=center&mode=crop&width=1200&height=630&rnd=133446036030000000)
ڕۆژی چوارشهممه ١٥ی تشرینی دووەمی ٢٠٢٣، وەزارەتی کارەبا، و وەزارەتی سامانە سروشتییەکان، بە هەماهەنگی لەگەڵ کۆمپانیای نەوتی هیلال، و دانە غاز، بە تێچوونی ملیۆنێک دۆلار وێستگەیەکی دابەشکردنی کارەبایان لە ناحیەی قادر کەرەم کردەوە.
کارەبای ناحیەی قادر کەرەم و گوندەکانی بە سێ فیدەرەوە بە وێستگەکە دەبەسترێتەوە و کێشەی کەمیی کارەبا و نزمیی ڤۆڵتییە چارەسەر دەبێت.
لە مەراسیمی کردنەوەی وێستگەی قادر کەرەم، بریکار و بەڕێوەبەرانی گشتی وەزارەتی سامانە سروشتییەکان و وەزارەتی کارەبا و بەڕێوەبەرانی کۆمپانیاکانی هیلال و دانە غاز و هێرۆ و بەڕێوەبەرانی ئیدارەی ناوچەکە ئامادە ببوون، و پرۆژەکە لە لایەن کۆمپانیای هێرۆوە جێبەجێی کراوە.