كۆمپانيا فهرهنساييهكان وهبهرهێنان له كهرتى كارهباى ههرێمى كوردستان دهكهن
![](/media/25970/img_20240402_102800-1400.jpg?anchor=center&mode=crop&width=1200&height=630&rnd=133565966690000000)
ڕۆژى سێشهممه ٢ــی نیسانی ٢٠٢٤، کەمال محەمەد ساڵح، وەزیری کارەبا، پێشوازی لە یان برایم، کونسوڵی گشتیی فەرەنسا لە هەرێمی کوردستان کرد.
لە دیدارێکدا، وەزیری کارەبا ڕۆڵی گەل و حکومەتی فەرەنسای بۆ پاڵپشتيی هەرێمی کوردستان بەرز نرخاند، ئامادەیيی وەزارەتەکەشی بۆ هاوکاری و کاراسانی بۆ کۆمپانیاکانی ئەم وڵاتە دەربڕی.
کونسوڵی گشتیی فەرەنسا ڕایگەیاند: وڵاتەکەی پەیوەندیی باشی لەگەڵ هەرێمی کوردستان و حکومەتی عێراق هەیە و جەختى لە سەقامگیریی هەرێمی کوردستان کردەوە، و گوتی: نێوانگیری و چارەسەرکردنی کێشەکانی نێوان هەولێر و بەغدا لە پێشەنگی کارەکانی حکومەتى فهرهنسایە.
تەوەرێکی دیکەی کۆبوونەوەکە تایبەت بوو بە وەبەرهێنانی کۆمپانیاکانی فەرەنسا لە بواری وزە نوێبووەکان و گواستنەوە و پێوەری زیرەکی کارەبا، کە لە پلان و بەرنامەی وڵاتەکەیە وەبەرهێنان لە کەرتی کارەبای هەرێمی کوردستان بکات.
ژمارەیەک کۆمپانیای فەرەنسايى لە بواری دامەزرانی وێستگەکانی کارەبا کاریان لە هەرێمی کوردستان کردووە، چونكه تەکنەلۆژیا و ئامێری کارەبایيی فەرەنسا لە ئاستێکی بەرز دایە.