کونسوڵی چین ستایشی ئەو سەقامگیری و ئاوەدانییەی هەرێمی کوردستانی کرد.
![](/media/25011/img_8071-1400.jpg?anchor=center&mode=crop&width=1200&height=630&rnd=133515337050000000)
کەمال محەمەد ساڵح, وەزیری کارەبا پێشوازیی لە لیوجیون کونسوڵی گشتیی کۆماری میللی چین لە هەرێمی کوردستان کرد.
لە دیدارێکدا بە ئامادەبوونی ژمارەیەک لە بەرپرسانی وەزارەت, کونسوڵی چین ستایشی ئەو سەقامگیری و ئاوەدانییەی کرد کە هەرێمی کوردستان بەخۆیەوە بینیوە هاوکات ئامادەیی وڵاتەکەشی نیشاندا بۆ هاتنی ژمارەیەک لە کۆمپانیاکانی وڵاتەکەی بۆ کارکردن لە سێکتەرەکانی کارەبای نیشتیمانی.
لە تەوەرێکی دیکەی کۆبوونەوەکەدا، وەزیری کارەبا وەبەرهێنان و کار و پرۆژە و چالاکیی وڵاتی چینی لە هەرێمی کوردستان بەرز نرخاند و ئامادەیی وەزارەتی نیشاندا بۆ سود وەرگرتن لە توانا و ئەزموونی ولاتی چین لە بواری سێکتەرەکانی کارەبا.