بەتوانای ١٠٠ مێگاوات دەست بە جێبەجێکردنی پرۆژەیەکی کارەبا لە سۆران دەکرێت
![](/media/24845/img_20240124_102654-1400.jpg?anchor=center&mode=crop&width=1200&height=630&rnd=133506384660000000)
ڕۆژی چوارشەممە ٢٤ی کانوونی دووەمی ٢٠٢٤ ئەندازیار کەمال محمد ساڵح، وەزیری کارەبا پێشوازی لە تیمێکی گروپی کۆمپانیاکانی دیب ئێنرچی کرد.
لەو دیدارەدا وەزیری کارەبا داوای لە هاری لابەر و نوێنەرانی کۆمپانیای ناوبراو کرد هەموو هەوڵەکانی خۆیان بەگەڕبخەن تاوەکو لەنزیکترین کاتدا دەست بە جێبەجێکردنی پڕۆژەی بەرهەمهێنانی ٣٠٠ مێگاواتی کارەبا لە سۆران و زاخۆ و گەرمیان و ڕاپەڕین بکەن.
تیمەکەش لەلایەن خۆیانەوە ئامادەییان دەربڕی لە کۆتایی مانگی شوباتی ئەمساڵ بەچەند قۆناغێک سەرەتا لە ئیدارەی سەربەخۆی سۆران دەست بە دامەزراندنی وێستگەیەکی کارەبا بەتوانای ١٠٠مێگاوات کارەبا بکەن.