پلانێکی تۆکمە بۆ خزمەتکردنی هاووڵاتییان دادەنرێت
ڕۆژی چوارشەممە ٣ی کانوونی دووەمی ٢٠٢٤، ئەندازیار علی محمد علی، بەڕێوه‌بەری گشتی کارەبای ڕاپەڕین سەرپەرشتی کۆبونەوەیەکی گرنگی بە ئامادەبوونی بەڕێوەبەری دابەشکردنی کارەبای پشدەر و تەواوی لێپرسراوی بەش و هۆبەکانی چاککردنەوەی تۆڕەکانی کارەبا لەسنوری بەڕێوەبەرایەتی گشتی کارەبای ڕاپەڕین کرد. کە گرنگترین تەوەرەکانی کۆبوونەوەکە بریتی بوون لە.
🔹دانانی پلانێکی تۆکمە بەمەبەستی هەوڵدان بۆ خزمەتکردنی هاووڵاتییان بەباشترین شێوە.
🔹جێبەجێ کردنی بڕیارو ڕینماییەکانی وەزارەت کە لەکۆتا کۆبوونەوەی ئەنجومەنی وەزارەت دران کە خۆی دەبینێتەوە لە
١- بەردەوامی هەوڵدان بۆنەهێشتنی سەرپێچیەکانی سەر تۆڕەکانی کاڕەبا.
٢- کۆکردنەوەی داهات بەشێوەیەکی ڕێک و پێک.
🔹ڕێکخستنی دەوامی فەرمانبەران و پابەندکردنی فەرمانبەران بەداوام بەپێی ئەو خشتەو ڕێنماییانەی دانراوە لەدەوامی ئاسایی و ئێشکگری هۆبەکانی چاککردنەوە.
🔹جەختکردنەوە لەوەی ئەو ژمارە تەلەفونانەی بڵاو کراونەتەوە بەهیج شێوەیەک دانەخرێن و بەجوانترین شێوەو بەڕێزەوە وەڵامی هاووڵاتییان بدرێتەوە.
🔹ڕێو شوێنی توند بگرێتە بەر بەرامبەر ئەو کەسانەی دەستکاری پێوەری زیرەک دەکەن بە مەبەستی تەلاعب.
