مەراسیمی كردنهوهی شەش پرۆژەی وێستگەی مۆبایلی کارەبا له پارێزگای دهۆك بهڕێوه چوو
![](/media/25688/photo_2024-03-07_18-28-23.jpg?crop=0,0.020007815552950371,0,0.19218444704962875&cropmode=percentage&width=1200&height=630&rnd=133543350170000000)
ڕۆژی پێنجشهممه ٧ی ئاداری ٢٠٢٤، کەمال محەمەد ساڵح، وەزیری کارەبا لە کاتی کردنەوەی پرۆژەی دابینکردنی شەش وێستگەی مۆبایلی کارەبا لە دهۆک کە بە ئامادەبوونی عەلی تەتەر، پارێزگاری دهۆک و ژمارەیەک لە بەرپرسانی ئیداری دەڤەرەکە بەڕێوە چوو.
شەش پرۆژەی وێستگەی مۆبایلی کارەبا هەر یەکەیان بە توانای گواستنەوەی بیست و شەش مێگاوات کارەبا دادەنرێن، گوژمەی هەر شەش پرۆژەکەش ٩ ملیار و ٣٠٠ ملیۆن دینارە.
لە کابینەی نۆیەمدا، بەرهەمهێنانی هەزار و نۆ مێگاوات کارەبا لە ڕێگەی وێستگەکانی گەرمیان و بازیان و دێرەلۆک و خەبات، و سێ وێستگەی دیکە لە هەولێر و سلێمانی و دهۆک زیاد کراون.
شایانی باسە هەر لەم کابینەیەدا ٣٤ پرۆژە لە کەرتی گواستنەوەی کارەبا بە تێچووی ٣٠٤ ملیۆن دۆلار جێبەجێ کراون و شەشیان لە پارێزگەی دهۆک بوون و بە تێچووی ٣٤ ملیۆن دۆلار پرۆژەکانی گواستنەوەی هێڵەکانی کەلەکچی - قەسرۆک و بەردەڕەش - دارەتوو و فەدی - شاریا و کاشێ - زاخۆ و وێستگەی تل کەبەر جێبەجێ کراون.
لە کەرتی دابەشکردنی کارەباش، زیاتر لە دووهەزار و ٨٠٠ پرۆژە بە گوژمەی ١٩١ ملیار دینار لە هەرێمی کوردستان جێبەجێ کراون و ٢٠٩ پرۆژە بە گوژمەی ٢٣ ملیار دینار لە دهۆک بوون
لە کەرتی کۆنترۆڵی کارەبایش هەزار و ٤٠٠ پێوەری زیرەکی کارەبا دانراون و لە ڕێگەی ئەم پرۆژەیەوە کار بۆ جێبەجێکردنی سیستەمی پریپەیدی کارەبا کراوە.
پرۆژەی پریپەید بەشێوەی ئەزموونی لە بازاڕی دهۆک و ئەڤرۆ ستی و سەنتەری قەزای ئامێدی بە پێدانی کارەبایەکی ٢٤ کاتژمێری جێبەجێ کراوە. لە هەندێ شوێنی هەولێر و سلێمانیش جێبەجێ کراوە.
کارەکانی ڕاکێشانی بۆڕی گواستنەوەی گاز بۆ وێستگەی کاشێ ٩٠% تەواو بووە و لە مانگی ئایار کۆتایی بە کارەکانی دێت. هەروەها پاڵاوتگەیەکی نەوتیش لە پارێزگەی دهۆک دادەنرێت.