وەزیری کارەبا پێشوازی لە تیمێکی چەند کۆمپانیایەکی تورکی و لیژنەی پارێزگاریی تۆڕی کارەبای هەرێم کرد

ڕۆژی یەکشەممە ٣ی تشرینی دووه‌می ٢٠٢٤، کەمال محەمەد ساڵح، وەزیری کارەبا، پێشوازی لە تیمێکی کۆمپانیای ئیبرا و تورۆسی تورکی و لیژنەی پارێزگاریی تۆڕی کارەبای هەرێم کرد.
مەبەستی سەردانەکەیان بۆ گفتوگۆکردن بوو لەبارەی پرۆگرامی پارێزگاریکردنی تۆڕی کارەبای هەرێم بە شێوازێکی پێشکەوتووانە.
لە دیدارەکەدا، کە نوێنەرانی گواستنەوە و کۆنتڕۆڵی کارەبای هەرێم و کارەبای پارێزگاکان ئامادەی بوون، وەزیری کارەبا جەختی لەسەر گرنگیی ئامادەکردنی ئەو پرۆگرامە کردەوە بۆ ئەوەی لەسەر بنەمایەکی زانستی، کەموکورتی و گرفتە تەکنیکییەکان چارەسەر بکرێن و بە شێوەیەکی باشتر و پارێزراوتر تۆڕی کارەبای هەرێم بەڕێوە ببرێت.