ڕوونکردنەوەیەک لە وەزارەتی کارەباوە
وەزارەتی کارەبا هاووڵاتییان ئاگەدار دەکاتەوە لە بەردەوامیدان بە چالاکییەکانی زیادکردنی بەرهەمهێنانی گازی سروشتی و کارەبا و سازدانەوە لە تۆڕی کارەبای نیشتمانی لەپێناو دابینکردنی کارەبا بە باشترین شێوە.
ئەم چالاکییانەش كێشەی 30 ساڵەی کارەبا بە یەکجاری بنبڕ دەکەن، و ئەمە دوایین وەرزی زستان دەبێت کەوا کێشەی پچڕانی کارەبا ڕووبدات.
لەئێستادا 70٪ی هەرێمی کوردستان کارەبای 24 کاتژمێریی پڕۆژەی ڕووناکییان پێگەیشتووە و تاوەکوو کۆتاییی ساڵی داهاتوو هەموو هاووڵاتییانی هەرێمی کوردستان کارەبای نیشتمانیی بەردەوامییان پێدەگات.
وەزارەتی کارەبا سوپاسی پشوودرێژی و هاوکاریی بەردەوامیی هاووڵاتییان دەکات.