ڕاگەیاندراوێک لە وەزارەتی كارەبای حکومەتی هەرێمی کوردستانەوە
بەهۆی دابەزینی پلەكانی گەرما لە كاتژمێر دووی شەوەوە، گرفتێكی تەكنیكی لە كێڵگەی كۆرمۆر دروستبوو و كاریگەری لەسەر هەناردەكردنی غاز هەبوو بۆ وێستگەكانی بەرهەمهێنانی كارەبا بە بڕی ٢٥٠ ملیۆن پێ سێجا، بەمەش بووە هۆی كەمبوونەوەی نزیکەی هەزار مێگاوات كارەبا.
لە ئێستادا تیمەكانی وەزارەتی سامانە سروشتییەكان و وەزارەتی كارەبا سەرقاڵی چارەسەركردنی گرفتەكە و ئاساییكردنەوەی بارودۆخەكەن.
وەزارەتی کارەبا
٢٤ی شوباتی ٢٠٢٥