سیستەمی دیجیتاڵی لە فرۆشیاريی وزەی كاره‌باى دووی هەولێر کرایەوە
ڕۆژى دووشه‌ممه ٣ی ئاداری ٢٠٢٥، کەمال محەمەد ساڵح، وەزیری کارەبا، سەردانی بەشی فرۆشیاريی وزەی کارەبای دووی لە هەولێر کرد و سیستەمی نوێی بەدیجیتاڵیکردنی خزمەتگوزاریی فەرمانگەکەی کردەوە، کە ڕۆڵی له کەمکردنەوەی ڕۆتین هەیە.
وەزیری کارەبا دەستخۆشی لە ستافەکەی کرد و ئومێدی خواست هەنگاوەکان بۆ پێشخستن و فراوانکردنی خێراتر بکرێن و ڕۆتینەکان کەم بکرێنەوە و ئامادەیيی هەموو کاراسانییەکیش بۆ ڕاپەراندنی کارەکانیان دەربڕی.
دواتر لە نزیکەوە لە وردەکاریی سیستەمەکە و کارەکانی پرسییەوە، کە بە شێوازێکی باش بەڕێوە دەچن و سوپاسی تیمی وەزارەتی کرد و هیوای خواست هەنگاوەکان خێراتر بکرێن.
