سازدانەوە لە تۆڕی کارەبا دەکرێت لە چەند مانگی داهاتوودا و دەبێتە هۆی پچڕانی کاتيی کارەبا
وەزارەتی کارەبا ڕایدەگەيه‌نێت کە بەهۆی سازدانەوەی تۆڕی کارەبا لە چەند مانگی داهاتوودا دەکرێت بەشێک لە هاووڵاتیيان بۆ ماوەیەکی کاتی کارەبایان بپچڕێت.
وەک بەشێک لە چالاکییەکانی پڕۆژەی ڕووناکی، کاری سازدان و چاککردنەوەی پێویست بە بەردەوامی ئەنجام دەدرێت بۆ تۆڕی کارەبا کە سوودی دەبێت لە باشترکردنی خزمەتگوزاريی کارەبای نیشتمانی. لە کاتی ئەنجامدانی کارەکانی سازدانی تۆڕی کارەبا لەلایەن تیمەکانی چاککردنەوە، دەکرێت بۆ ماوەیەکی کاتی کارەبا بپچڕێت.
وەزارەتی کارەبا هاووڵاتیيان دڵنیا دەکاتەوە کە لە کاتی هەر پچڕانێکی کارەبا، هەموو خزمەتگوزاری و ژێرخانە سەرەکییەکان بەردەوام دەبن لە کارکردن و تیمەکان کار دەکەن بۆ گەڕاندنەوەی کارەبا بەزووترین کات. بۆیە داوا لە هاووڵاتیيان دەکەین پشوودرێژ بن لە کاتی ئەنجامدانی پڕۆسەی سازدانەوەی تۆڕەکانی کارەبا.
جێگه‌ی باسە لە کاتی ڕوودانی هەر پچڕانێکی پلان بۆ داڕێژراو، وەزارەتی کارەبا پێشوەختە هاووڵاتیيان ئاگه‌دار دەکاتەوە. بۆیە وەزارەتی کارەبا هانی هاووڵاتیيان دەدات کە خۆیان تۆماربکەن لە پڕۆژەی ڕووناکی لە ڕێگەی ئەم لینکەوە بۆ ئەوەی کورتەنامەی ئاگادارییان پێ بگات.