چارەسەری کێشەی بازرگانانی سلێمانی دەکرێت

هەولێر، هەرێمی کوردستان (GOV.KRD)- ڕۆژی چوار شەممە ڕێکەوتی ٣١ی ئابی ٢٠٢٢ ، ئاوات جەناب نوری، وەزیری دارایی و ئابوری، لەگەڵ ژووری بازرگانی سلێمانی و ژمارەیەک لە بازرگانانی سنووری پارێزگای سلێمانی به‌مه‌به‌ستی چاره‌سه‌ركردنی كێشه‌كان و گوێگرتن له‌ داخوازییه‌كانیان کۆبوەوە. 

لە دیدارێکدا کە بەڕێوەبەری گشتی گومرگی ھەرێم و بەڕێوەبەری گشتی بانکی ناوەندی ھەرێم/سلێمانی و بەڕێوەبەری چاودێری گومرگ ئامادەبوون، تاوتوێی جوڵەی بازرگانی و ئەو کێشەو گرفتانە کرا کە بونەتە ھۆی کەمبوونەوەی جوڵەی بازرگانی. 

ئاوات جه‌ناب نوری، وه‌زیری دارایی و ئابوری  سەرجەم کێشەکان و گرفتەکان و داواکاری و پێشنیارەکانیان بەھەند وەرگیراو، وەزیری دارایی و ئابوری بەڵێنی ھاوکاریکردن و چارەسەرکردنی کێشەکانی پێدان. و بەڕێوەبەری گشتی گومرگ ڕاسپێردرا بۆ بەردەوام بوونی کۆبوونەوەکان و ھاوکاری کردنیان.