بانگەوازێک لە وەزارەتی تەندروستی حكومەتی هەرێمی كوردستانەوە بۆ هاووڵاتیان سەبارەت بە وەرگرتنی ڤاكسینی دژە ڤایرۆسی كۆرۆنا
![](/media/5109/mohlogo.jpg?anchor=center&mode=crop&width=1200&height=630&rnd=132597777570000000)
هەولێر، هەرێمی کوردستان، عێراق (GOV.KRD)- ڕۆژی یەكشەممە ٢٠٢١/٤/٤ وەزارەتی تەندروستی حكومەتی هەرێمی كوردستان بانگەوازێكی ئاڕاستە هاووڵاتیانی هەرێمی كوردستان دەکات، كە ئەمەی خوارەوە دەقەكەیەتی:
هاوڵاتیانی بەڕێز ...
لەپێناو خۆپارێزی و کۆنتڕۆڵکردنی نەخۆشی ڤایرۆسی کۆرۆنا، وەرگرتنی ڤاکسینی دژە ڤایرۆسی کۆڕۆنا وەک بەشێکی گرنگی ڕێکارەکانی خۆپارێزی دادەنرێت.
لە ئێستادا بڕێکی دیاریکراو لە ڤاکسین لە هەرێمی کوردستان بەردەستە و بە پێی ڕێزبەندی و پێشینەیی بۆ (پزیشکان و کارمەندان و فەرمانبەرانی تەندروستی، مامۆستایانی پۆلی ١٢، هاووڵاتیانی هەڵگری نەخۆشییە درێژخایەنەکان، خانەنشینان، بەساڵاچووان، هێزەکانی ئەمنی، ناوخۆ و پێشمەرگە...هتد) بەتایبەتی بۆ تەمەنی سەرووی ٦٠ ساڵی و هەر هاووڵاتیەکی تر، بە پێی ڕێنماییەکان و پلانی داڕێژراو دەتوانێت خۆی ناونووس و تۆمار بکات لە سیستەمی پۆڕتاڵ و ئۆنلاینی تۆمارکردنی پێشوەختە بۆ وەرگرتنی ڤاکسینی دژە کۆرۆنا بەم بەستەر (لینک)ـەی خوارەوە:
http://vac.health.digital.gov.krd
وەزارەتی تەندروستی
حکومەتی هەرێمی کوردستان
٤/٤/٢٠٢١