تاقیگەی پشکنینی بەخۆڕایی بۆ دەستنیشانکردنی ڤایرۆسی کۆڕۆنا دانرا
![](/media/5820/free-laboratory-testing-for-coronavirus-1.jpg?anchor=center&mode=crop&width=1200&height=630&rnd=132641608110000000)
هەولێر، هەرێمی کوردستان، عێراق (GOV.KRD) ـ ڕۆژی چوارشەممە ڕێ:ەتى ٢٨/٤/٢٠٢١ د.سامان بەرزنجی، وەزیری تەندروستی حكومەتی هەرێمی كوردستان و ئومێد خۆشناو پارێزگاری هەولێر، تاقیگەکانی پشکنینی بەخۆڕایی بۆ دەستنیشانکردنی ڤایرۆسی کۆڕۆنایان لەناو بازاڕ و شوێنە گشتییەکانی شاری هەولێر کردەوە کە بە مەبەستى خزمەتى ڕاستەوخۆى هاووڵاتیان دانراوە.
حکومەتى هەرێمى کوردستان هەر لەسەرەتاى بڵاوبوونەوەى پەتاکە لە هەوڵى ڕووبەڕووبوونەوە و خۆئامادەکردن و جێبەجێکردنى ئەو ڕێکارانە بووە کە وا دەکات هاووڵاتیان دوور بن لێى و زەرەر و زیانە گیانییەکان کەم ببنەوە و ئەم تاقیگەیانەش کە بە خۆڕایی لە خزمەت هاووڵاتیاندا دەبن، هۆکارێکى باشن بۆ پشکنینى خێرا و ڕاستەوخۆ بۆ خۆپارێزى زیاتر و ڕووبەڕووبوونەوەى ڤایرۆسەکە.