خزمەتگوزاریی تەندروستیی ددان بۆ خاوەنپێداویستیی تایبەت بێبەرانبەر پێشکەش دەکرێت
بۆ یەكەم جار بەشێكی تایبەت بە پسپۆڕیی ددانی خاوەنپێداویستیی تایبەت لە شارى هەولێر كراوەتەوە كە لەلایەن پزیشكی پسپۆری ددان، خزمەتگوزارییەکە پێشکەش دەکرێت.
لەو بەشەدا هەموو ڕۆژانی دووشەممە نەشتەرگەری دەکرێت؛ تا ئێستە ٤ منداڵ نەشتەرگەرییان بۆ كراوە و ٢٠٠ منداڵ لە هەولێر بۆ ئەو مەبەستە ناویان تۆمار كراوە.
بۆ پێشکەشکردنی خزمەتگوزاریی پزیشکی تەندروستی بۆ چارەسەری خاوەن پێداویستییە تایبەتەکان، لە لایەن پزیشکانی پسپۆری ددان لە نەخۆشخانەی حکومی بۆ نەخۆشانی خاوەنپێداویستیی تایبەت (ئۆتیزم، داون، ئیفلیجی مێشک) لە ژێر بەنجی گشتی دەکرێت.
هەر خێزانێك لە پارێزگاكانی تری هەرێم، منداڵی خاوەنپێداویستیی تایبەتی هەیە، دەتوانێت لە ڕێگەی نەخۆشخانەی هێلیناوە ناوی تۆمار بكات.
