منداڵانی تووشبووی شێرپەنجە بە تیشک چارەسەر دەكرێن
لە بەردەواميی پاڵپشتیکردنی كابينه‌ى نۆيه‌مى حکومەتی هەرێمی کوردستان بۆ پێشخستنی کەرتی تەندروستی و فەراهەمکردنی خزمەتگوزاريی پزیشکيی تەندروستی بۆ هاووڵاتيیان، ڕۆژى یەکشەممە ١٥ى كانوونى يه‌كه‌مى ٢٠٢٤، بۆ یەکەمجار له سه‌نته‌رى پزيشكيى ئاوات، له‌ڕێى تيشكه‌وه، دەست بە چارەسەرکردنی منداڵێكی تووشبووی شێرپەنجە کرا.
شایەنی باسە سەنتەری ئاوات بۆ چارەسەر بە تیشک، سەنتەرێکی سەردەميیانە و پێشکەوتووه لە ڕووی چارەسەرییەوە و ڕۆژانە ١٦٠ بۆ ١٧٠ نەخۆش، بە مەبەستی وەرگرتنی چارەسەر بە تیشك، سه‌ردانى ئه‌م سه‌نته‌ره ده‌كه‌ن.
