وەزیری پلاندانان: جێبەجێ کردنی پرۆژە خزمەتگوزاریەکان بۆ تەواوی هەرێمی کوردستانە
![](/media/5055/drdara-rashid_chairs-ministry-meeting-01.jpg?anchor=center&mode=crop&width=1200&height=630&rnd=132596192870000000)
هەولێر، هەرێمی کوردستان، عێراق (GOV.KRD)- ئەمڕۆ یەک شەممە 2021/3/7 بەسەرپەرشتی د.دارا ڕەشید وەزیری پلاندانانی حکومەتی هەرێم ئەنجومەنی باڵای وەزارەت کۆبووە.
لەو کۆبونەوەیە گفتوگۆ لەبارەی کارنامەی وەزارەت کرا بەتایبەت هێڵەگشتیەکانی وەزارەت بەمەبەستی خستنەڕووی پلان و کاری داهاتووی بەڕێوەبەرایەتیە گشتیەکانی وەزارەت.
وەزیری پلاندانان بەئامادەبوانی ڕاگەیاند پێویستە کارو بەرنامەکانی وەزارەت بۆ خزمەتی هاوڵاتیان بێت و هەموو هەوڵێکیش بۆ گەیاندن و جێبەجێ کردنی پرۆژەخزمەتگوزاریەکان بێت بۆ تەواوی هەرێمی کوردستان.
لەبەشێکی تری کۆبونەوەکە تاوتوێی چۆنیەتی بەرەوپێشبردنی هەماهەنگیەکانی نێوان وەزارەت و دامەزراوەکانی حکومەت کرا.