کار بۆ گیرانەوەی ئەو منداڵانە دەکرێت کە بەهۆی هەژاری لە خوێندن دابڕاون
![](/media/10299/photo_2022-03-01_20-22-04.jpg?anchor=center&mode=crop&width=1200&height=630&rnd=132906763530000000)
هەولێر، هەرێمی کوردستان، عێراق (GOV.KRD)- رۆژی سێشەمە ١/٣/٢٠٢٢ لە شاری هەولێر بەئامادەبونی کوێستان محەمەد، وەزیری کار و کاروباری کۆمەڵایەتی و زاگرۆس فەتاح، بریکاری وەزارەتی پلاندانان و نوێنەری رێکخراوەکانی یونیسێف و کاری جیهانی و خۆراکی جیهانی لێکتێگەیشتنێک واژۆ کرا.
دوای واژۆکردنی لێکتێگەیشتنەکەش هەر یەک لە وەزیری کار و بریکاری وەزارەتی پلاندانان ئاماژەیان بە گرنگی ناوەرۆکی لێکتێگەیشتنەکە کرد، کە چەندین تەوەر کاری لەسەر دەکرێت، بەتایبەت لە گێرانەوەی ئەو منداڵانەی بەهۆی هەژاری لە خوێندن دابڕاون و هاوکاری کردنی خێزانەکانیان و کار کردن بۆ دامەزراندنی سیستەمی یەکگرتوویی خانەنشینی لە کەرتی تایبەت و گشتی و چاکسازی کۆمەڵایەتی لە سێکتەرە جیاجیاکان.