وەزیری پلاندانان ئەنجامی پرۆژەی رووپۆشی بەکارهێنانی زەوی لە هەرێمی کوردستان ڕاگەیاند
![](/media/23506/whatsapp_image_2023-11-13_at_124941_7139a228.jpg?anchor=center&mode=crop&width=1200&height=630&rnd=133443615390000000)
رۆژی دووشەممە ١٣ی تشرینی دووەمی ٢٠٢٣، لەشاری هەولێر د.دارا ڕەشید، وەزیری پلاندانانی حکومەتی هەرێمی کوردستان، ئەنجامی پرۆژەی رووپۆشی بەکارهێنانی زەوی لە هەرێمی کوردستان ڕاگەیاند.
لە وتەیەکدا د.دارا ڕەشید، ڕایگەیاند:'' تایبەتمەندی ئەم پرۆژەیە لەوەدایە کە بۆ یەکەمجارە لەسەر ئاستی عێراق و هەرێمی کوردستان، بە بەکارهێنانی وێنەی ئاسمانی نوێ بە کوالیتییەکی زۆر باش وێنەیەکی روون و دیار لەسەر بارودۆخ و شێوازەکانی بەکارهێنانی زەوی لە هەرێم و عێراق ببینین، کە بێگومان بۆچوونمان لەسەر زۆر بوار ئەگۆرێت، وەکو رێژەکانی زەوی دێمی و ئاودێری، سەوزایی بە گشتی و چر بە تایبەتی، زەوی داپۆشراو بە ئاو، دارستانەکان و چالاکی کشتوکاڵی لە ئێستا و ساڵانی پێشوو'' .
وەزیری پلاندانان وتیشی :'' جێگەی داخە ناوچەکە و بەشێکی هەرێمی کوردستان ، چەند ساڵێکە تووشی بەرکەوتەکانی گۆڕانی کەشوهەوا بووە، کە وشکە ساڵی یەکێکە لە دیاردە مەترسیدارەکان و پێویستە رێگەی زانستی گونجاو بگیرێتە بەر بۆ بەرەنگاربونەوەی و نەهێشتنی مەترسیەکان.''
لەبەشێکی تری قسەکانیدا وەزیری پلاندانان سوپاسی رێکخراوی (WFP) کرد کە لەگەڵ دەستەی ئامار و وەزارەتی هاوکاری و گەشەپێدانی ئابووری حکومەتی فیدراڵی ئەلمانیا سەرچاوەی دارایی بۆ جێبەجێ کردنی ئەم پرۆژەیە دابین دەکەن.
لەبەشێکی تری قسەکانیدا وەزیری پلاندانان سوپاسی رێکخراوی (WFP) کرد کە لەگەڵ دەستەی ئامار و وەزارەتی هاوکاری و گەشەپێدانی ئابووری حکومەتی فیدراڵی ئەلمانیا سەرچاوەی دارایی بۆ جێبەجێ کردنی ئەم پرۆژەیە دابین دەکەن.