وەزیری پلاندانان: هەر سەرژمێریيەک بۆ بووژاندنهوەی ژێرخانی وڵات نەبێت کێشە و قەیرانی لێ دهكهوێتهوه
![](/media/26468/whatsapp_image_2024-05-07_at_192906_3c49ee6d.jpg?anchor=center&mode=crop&width=1200&height=630&rnd=133596544190000000)
ڕۆژى سێشەممە ٧ــی ئایاری ٢٠٢٤، دارا ڕەشید محمود، وەزیری پلاندانان، به ئامادهبوونى سیروان محمد، بریکاری وەزارەت، لەگەڵ فەهمی بورهان، سەرۆکی دەستەی گشتيی ناوچە کوردستانیيەکانی دەرەوەی ئیدارەی هەرێم کۆبووهوە، و باسيان لە دوایين هەنگاوەکانی ئامادەکاريی پرۆسەی سەرژمێريی گشتی لە عێراق و هەرێم کرد، کە بڕیارە لە کۆتایيی ئەمساڵ بەڕێوە بچێت.
لە بەشێکی تری کۆبوونەوەکەدا، وەزیری پلاندانان ئاماژەی بە ديدگا و ڕوانينى هەرێمی کوردستان بۆ سەرخستنی پرۆسەی سەرژمێری كرد، کە لە ئێستادا ئامادەکاریيەکانی بەڕێوە دەچن، بە شێوەیەک ئەنجامدانی بۆ پێشخستن و بووژاندنەوەی ژێرخانی بوارە جیاجیاکانی سەرتاسەری عێراق بێت، بەبێ جیاوازی و بۆ هیچ مەبەستێکی سیاسی بەکار نەهێندرێت. هەردوولا لەسەر بەردەوامیدان بە هەماهەنگی و هاوکاریيەکان هاوڕا بوون، لەپێناو سەرخستنی پرۆسەکە، کە زیان بە پێکهاتە و نەتەوە جیاجیاکانی ناوچەکە نەگەیەنێت.