وەزارەتی پێشمەرگە و هاوپەیمانان گفتوگۆیان لەبارەی ڕەشنووسی میلاکی فیرقەکان کرد
![](/media/14161/viber_image_2022-08-28_15-53-26-657-1400.jpg?anchor=center&mode=crop&width=1200&height=630&rnd=133061780520000000)
هەولێر، هەرێمی کوردستان (GOV.KRD)- ڕۆژی یەکشەممە ٢٨ی ئابی ٢٠٢٢، بە ئامادەبوونی لیوا روكن هۆشمەند حەیدەر رەشید جێگری سەرۆكی ئەركان بۆ ئیدارە و میرە، لیوا روکن نەجمەدین جێگری سەرۆکی ئەرکان بۆ ئۆپەراسیۆنەکان، لیوا روكن كارزان شەقڵاوەیی بەڕێوەبەری میلاكاتی وەزارەتی پێشمەرگە، كۆبوونەوەی لیژنەی دانان و پەسەندکردنی میلاكاتی فیرقەكان لەگەڵ تیمی راوێژکارانی هاوپەیمانان بەڕێوەچوو.
لەو كۆبونەوەیەدا كە نوێنەری هێزەکانی هاوپەیمانان و ئەندامانی لیژنەی دانانی میلاکی فیرقەکان ئامادەی بوون، گفتوگۆ لەبارەی رەشنووسی میلاکی فیرقەکان كرا، دوای گفتوگۆی ئامادەبووانیش لەگەڵ راوێژکارانی هاوپەیمان، پەسەندكرا.
وا بڕیارە رەشنووسەکە، ئاراستەی سەرۆكایەتیی ئەرکان بكرێت بۆ دوابڕیار و پەسەندکردنی بۆ كاری پێویست.