چەند خولێکی سەربازی و تەکنیکی بۆ ٦ لیوای پیادە تەواوبوون
![](/media/16604/a4da09f5-0f8b-457a-9939-93085d9a6d08.jpeg?anchor=center&mode=crop&width=1200&height=630&rnd=133131720280000000)
هەولێر، هەرێمی کوردستان (GOV.KRD)-ئەمڕۆ پێنجشەممە، ١٧ی تشرینی دووەمی ٢٠٢٢، لە بەڕێوەبەرایەتیی میرەی گشتیی وەزارەتی پێشمەرگە، بە ئامادەبوونی لیوا رەفعەت، بەڕێوەبەری میرەی گشتی و کۆڵۆنێڵ سانبۆرن، بەرپرسی تیمی هاریکاریی ئاسایش لە کونسوڵخانەی ئەمریکا لە هەولێر، مەراسیمی کۆتاییهاتنی چەند خولێکی جۆراوجۆری وەک خولی فیتەری و بەرزکەرەوە و کۆگاکردنی چەک و تەقەنی بۆ ٦ لیوای پیادەی سەر بە وەزارەتی پێشمەرگە بەڕێوەچوو.
لەم خولانەدا فێرخوازان بۆ ماوەی مانگێک بە شێوەی کرداری لەلایەن مامۆستایان و راهێنەرانی ناوخۆیی مەشق و ڕاهێنانیان پێکراوە.
بەڕێوەبەری میرەی گشتی جەختی لەسەر گەشەپێدانی کارامەیی ئاست و تواناکانی بەشداربووان کردەوە.
هاوکات جەختی لە بایەخدان بە خولی هاوشێوە کردەوە، بۆ ئەوەی زۆرترین پێشمەرگە سوودمەندن لە تایبەتمەندییەکانی تەکنیکی چاککردنەوە و تاکتیکی چەکە جۆراوجۆرەکان و شێوازی بەکارهێنانیان.