لە میحوەری گوێر کۆبوونەوەیەک دەربارەی پرسی هۆشیاری و یاسای ناکۆکیی چەکداری بەڕێوەچوو
![](/media/16440/ebab88b8-407a-4632-a272-242162b7436d.jpeg?anchor=center&mode=crop&width=1200&height=630&rnd=133127939210000000)
هەولێر، هەرێمی کوردستان (GOV.KRD)-ئەمڕۆ شەممە، ١٢ی تشرینی دووەمی ٢٠٢٢، لە بارەگای فەوجی ٣ی لیوای ٢١ی پیادەی سەر بە وەزارەتی پێشمەرگە لە میحوەری گوێر، بە ئامادەبوونی فەرماندەی فەوجی ٣ و ئەندامان و ئامر سریەکان، کۆبوونەوەیەک دەربارەی ئەرک و کارەکانی ڕاگەیاندن، یاسای ناکۆکیی چەکداری و پرسی هۆشیاری بەرامبەر بە ماددەی هۆشبەر بەڕێوەچوو.
لەو کۆبوونەوەیدا لەلایەن فەرماندەی فەوجی ٣، وێڕای تیشک خستنە سەر یاسای ناکۆکیی چەکداری و زیانەکانی ئاڵودەبوون بە ماددەی هۆشبەر، هاوکات تیشک خرایە سەر ڕۆڵی راگەیاندن بۆ هۆشیارکردنەوەی چین و توێژەکانی کۆمەڵگە.
لە کۆتایی ئەو کۆبوونەوەیەدا پرسی سەنگەرسازی و چۆنیەتیی توندوتۆڵکردنی سەنگەرەکانی پێشمەرگە بە تایبەت لە وەرزی سەرمادا تاووتوێکرا.